إعتبرني مرحله

عدد الرسائل : 230 تاريخ التسجيل : 08/07/2007

إعتبرني مرحله
للشاعر : محمد الشهري

.. اعتبرني مرحله ..

أنت لا طقّت براسك ( حُب ) جيت تحبّـني ..
و غبت لامن طقّـت براسك ( غياب ) و ما ألتقيك

ياخي .. إمّأ تحتفظ بي صحّ .. ولاّ ذبّـني ..
ما أنت مجبور علي .. وماني مجبور عليك

شاطر إنّك بس من وقت لوقت .. تشبّـني
وتنبسط لا صرت أقول : الله يرحم والديك

حس فيني .. لبّ إحساسي و نداي .. ولبـّني
شوف أنا وشلون صرت أموت و تعلّقت فيك

كن قلبي حالف : ما غيرك أنت .. يطبّـني
فلا تعلّقني كذا .. مابين أحبّك .. و أحتريك

خلّني بينك و بين الصّدر أعيش .. و خبـّني
ولا تطلّعني .. لأنّي لو طلعت .. أصلاً بجيك

لا تجاملني بوجه .. و من وراي .. تسبـّني
ولا تسوّي لي ( متيّم ) .. و أنت تخفي ما لديك

ما انت ناقص تربية .. حتّى تقلّي : ربّـني
و أنت مثّبت لي من أوّل .. تربية أمّك و أبيك

لو أنا ماني كفو .. اتركني عنّك .. و كبـّني
و اعتبرني مرحله .. و اغسل من الرّجعه .. ايديك

يسلمووو على الشعــر

عدد الرسائل : 44 تاريخ التسجيل : 24/11/2007

يسلمووو الغالي عل موضوع